ຊົມເຊີຍນ້ຳໃຈ ຊ່ວຍປອບໃຈຊາຍເກັບຂອງເກົ່າໃຫ້ສູ້ຈົນສະຕັ້ນ ເມື່ອໄດ້ຍິນວ່າ ສູ້ຢູ່ແລ້ວອ້າຍເຮົານະຍອມຕາຍ ບໍ່ຍອມແພ້ດອກ

ຊົມເຊີຍນ້ຳໃຈ ຊ່ວຍປອບໃຈຊາຍເກັບຂອງເກົ່າໃຫ້ສູ້ຈົນສະຕັ້ນ ເມື່ອໄດ້ຍິນວ່າ ສູ້ຢູ່ແລ້ວອ້າຍເຮົານະຍອມຕາຍ ບໍ່ຍອມແພ້ດອກ

ຫລັງຈາກເລີກຈາກໂຮງຮຽນ ຂ້ອຍກັບມາຮອດເຮືອນ ເຫັນລາວນອນຢູ່ຂ້າງໆເຮືອນ ເລີຍຍ່າງໄປຖາມວ່າ: ເຈົ້າມາແຕ່ໃສອ້າຍ?

ລາວຫີບລຸກຂຶ້ນແລ້ວບອກວ່າ: ຂໍໂທດຫລາຍໆອ້າຍ ເຮົາສິໄປແລ້ວ ຂ້ອຍກະເລີຍບອກໄປວ່າ: ບໍ່ເປັນຫຍັງເຈົ້ານອນໂລດ..ຂ້ອຍກະເຂົ້າບ້ານ ໄປເຮັດເຝີ ແລະ ເອົານໍ້າມາໃຫ້ລາວກິນ ເພາະເຫັນລາວຊົງເມື່ອຍໆ ຄືສິເປັນວິນແດດ

ຫລັງຈາກນັ້ນ ກໍໄດ້ນັ່ງລົມກັນດົນເຕີບ ຖາມຊີວິດທຸກສຸກຂອງລາວວ່າມາແຕ່ໃສ ລາວບອກວ່າ: ພໍ່ແມ່ລາວປະກັນແຕ່ນ້ອຍ ບໍ່ຈື່ຮອດໜ້າພໍ່ແມ່ບໍ່ມີບ່ອນຢູ່ເປັນຫລັກແຫລ່ງ ຮອດໃສກໍນອນຫັ້ນຫາເຊົ້າກິນຄໍ່າຊອກເກັບເຫລັກເສດຂາຍບາງມື້ກະໄດ້ປະມານ 40-50ພັນ ພໍຢູ່ໄປມື້ໆ ລາວເວົ້າກັບຂ້ອຍອີກວ່າ: ເຈົ້າກະໃຈດີເນາະ ຄົນອື່ນເຂົາເຫັນເຮົານອນໃກ້ບ້ານເຂົາ ເຂົາລະໄລ່ເຮົາໜີ ທັງດ່າ ທັງປ້ອຍ ຂ້ອຍຖາມລາວຄືນວ່າ: ເປັນຫຍັງຄືເວົ້າແນວນັ້ນ?

ລາວກະຕອບວ່າ: ຂ້ອຍໄປໃສ ເຂົາກະໄລ່ຂ້ອຍໜີ ວ່າຂ້ອຍເປັນຂີ້ລັກແນວນັ້ນແນວນີ້ທັງໆທີ່ເຮົາກະຫາກິນບໍ່ໄດ້ໄປລັກຂອງໃຜ ເຫັນເຮົາເປັນແນວນິເຮົາກະບໍ່ຄິດຊິລັກຂອງໃຜດອກ ຂ້ອຍກະໄດ້ແຕ່ປອບໃຈລາວໃຫ້ສູ້ຕໍ່ໄປລາວຂອບໃຈລະກະເວົ້າຄໍາວ່າ: ສູ້ຢູ່ແລ້ວອ້າຍ ເຮົານະຍອມຕາຍບໍ່ຍອມແພ້ດອກ (ພ້ອມສຽງຫົວ)..

ຂ້ອຍສະຕັ້ນໄປດົນເຕີບກັບຄໍາເວົ້າລາວ(ຖ້າຂ້ອຍເປັນລາວ ຄົງຈະຍອມແພ້ໄປດົນແລ້ວ) ແຕ່ກະດີໃຈ ທີ່ລາວຄິດແບບນີ້ ເຮົາຕັດສິນຄົນຈາກພາຍນອກບໍ່ໄດ້ອີ່ຫລີ ວ່າໃຜດີໃຜບໍ່ດີ ການເຄົາລົບຄົນອື່ນເປັນສິ່ງທີ່ສໍາຄັນທີ່ສຸດ ຢ່າຟ້າວທີ່ຈະຕັດສິນຄົນພຽງຈາກພາຍນອກ ຫລື ຈາກຄວາມຮູ້ສຶກຂອງເຮົາ ບໍ່ວ່າຈະທຸກ ລວຍ ຫລື ອີ່ຫຍັງກໍຕາມ ທຸກຄົນມີກຽດສັກສີເທົ່າທຽມກັນ

ຢ່າຖ້າຈົນມີພ້ອມທຸກຢ່າງ ທີ່ຈະຊ່ວຍເຫລືອຄົນອື່ນ ບາງຄັ້ງການເສຍສະຫລະສິ່ງເລັກໆນ້ອຍໆຂອງເຮົາ ອາດເປັນສິ່ງທີ່ຍິ່ງໃຫ່ຍສໍາລັບໃຜບາງຄົນ

ຊ່ວຍກັນແຊຣ໌ອອກໄປ ມີຄົນຢາກຊ່ວຍລາວຫຼາຍ ແຕ່ຍັງບໍ່ຮູ້ວ່າລາວຢູ່ໃສແນ່ນອນ

khaosan@gmail.com