“ຄລິບວີດີໂອ ສະຫຼຸບຄະດີຂອງແມ່ເຖົ້າ ບົວສ້ອຍ ພົມສະຫວັດ”

“ຄລິບວີດີໂອ ສະຫຼຸບຄະດີຂອງແມ່ເຖົ້າ ບົວສ້ອຍ ພົມສະຫວັດ”

ທີມງານ : Grandeur Law House – ທີມງານກົດໝາຍເພື່ອປະຊາຊົນ

“ຄລິບວີດີໂອສະຫລຸບຄະດີຂອງແມ່ເຖົ້າ ບົວສ້ອຍ ພົມສະຫວັດ”

ຫລາຍໆຄົນອາດຈະເຫັນມີການແຊຣ໌ກັນທາງເຟສບຸກກ່ຽວກັລການຕັດສິນຂອງສານພາກກາງໃນບໍ່ດົນມານີ້ ທີ່ບາງສານຕັດສິນໃຫ້ແມ່ເຖົ້າເສຍຄະດີ.

ອິງຕາມກົດຫມາຍແລ້ວຖ້າພໍ່ແມ່ຍັງມີຊີວິດຢູ່ລູກໆຈະບໍ່ມີສິດໃນຊັບສິນຂອງພໍ່ແມ່ ແລະ ຍາດເອົາບໍ່ໄດ້. ແຕ່ໃນກໍລະນີທີ່ພໍ່ແມ່ຝ່າຍໃດຝ່າຍຫນຶ່ງເສຍຊີວິດ ຝ່າຍຜົວ ຫລື ເມຍທີ່ຍັງມີຊີວິດຢູ່ນັ້ນກໍຈະມີສິດໄດ້ຮັບມູນດັ່ງນີ້:

– ຖ້າເປັນຊັບເດີມຂອງຝ່າຍທີ່ເສຍຊີວິດແມ່ນຈະແບ່ງອອກເປັນສາມສ່ວນສີ່. ຫນຶ່ງສ່ວນແມ່ນໃຫ້ຜົວ ຫລື ເມຍທີ່ຍັງມີຊີວິດຢູ່ ແລະ ອີກສາມສ່ວນແມ່ນໃຫ້ລູກແບ່ງກັນ.

– ຖ້າເປັນສິນສົມສ້າງ ແມ່ນຈະແບ່ງເປັນສອງສ່ວນ. ຫນຶ່ງສ່ວນແມ່ນໃຫ້ຜົວ ຫລື ເມຍທີ່ຍັງມີຊີວິດຢູ່ ແລະ ອີກສ່ວນຫນຶ່ງແມ່ນໃຫ້ລູກແບ່ງກັນ.

ຖ້າເປັນຕາມທີ່ແມ່ຕູ້ບົວຊ້ອຍ ໄດ້ກ່າວມາແມ່ນຕົນບໍ່ໄດ້ມູນຈັກສ່ວນເລີຍ ຈຶ່ງເຫັນວ່າບໍ່ສອດຄ່ອງກັບກົດຫມາຍ.

ຍິ່ງໄປກວ່ານັ້ນເຫັນໄດ້ວ່າລູກມີການສໍ້ໂກງ ຫລື ຍັກຍອກມູນມໍລະດົກ ລູກຍິ່ງຈະເສຍສິດໃນການສືບທອດມູນມໍລະດົກ.

ອ້າງອິງ: ມາດຕາ219, 576 ແລະ 615 ປມ. ແພ່ງ.

ຂໍ້ມູນຈາກ : Grandeur Law House – ທີມງານກົດໝາຍເພື່ອປະຊາຊົນ

ວີດີໂອຈາກເຟສບຸກ: ແມ່ເຖົ້າບົວສ້ອຍ ພົມສະຫວັດ

ທີ່ເກົ່າທີ່ເຄີຍລົງ :

ຜົນການໄປຟັງການຕັດສິນຂອງສານພາກກາງມື້ວານນີ້ ແມ່ນເຮັດໃຫ້ແມ່ເຖົ້າເຊື່ອແລ້ວວ່າ ເງີນມີອຳນາດກ່ອນຄວາມເປັນຈິງ ດິນທັງສອງຕອນເປັນສິນສົມສ້າງຂອງແມ່ເຖົ້າກັບຜົວ ສ້າງມາດ້ວຍຄວາມຊື່ສັດບໍລິສຸດ ຫາມາດ້ວຍເຮື່ອດ້ວຍແຮງຂອງສອງຜົວເມຍ…ແມ່ເຖົ້າບໍ່ໄດ້ຂາຍໃຫ້ໃຜ ແມ່ເຖົ້າບໍ່ໄດ້ມອບໃຫ້ຜູ້ໜຶ່ງຜູ້ດຽວ ເຂົາໂກງແມ່ ແມ່ກະຍັງບໍ່ເຮຕາຍເທື່ອ ແຕ່ເປັນຫຍັງແມ່ເຖົ້າຈິ່ງບໍ່ໄດ້ຮັບຄວາມຢຸດຕິທຳເລີຍ

ຜົນການຕັດສິນຄັ້ງນີ້ລູກສາວທັງສອງ ນາງແກ້ວ ຊູວົງສາ ແລະນາງແສງຄຳ ຄົງຈະພາກັນສະຫລອງຢ່າງໃຫຍ່ໃນວັນທີ່ແມ່ຜິດຫວັງ ໂຊກເສົ້າເສຍໃຈ ແລະນໍ້າຕາຕົກ. ແມ່ເຖົ້າຈະອອກມານໍາສະເໜີໃຫ້ພີ່ນ້ອງ ແລະສັງຄົມຮັບຊາບຢ່າງລະອຽດອີກຄັ້ງຫລັງໄດ້ຮັບເອກະສານຜົນການຕັດສິນຢ່າງເປັນທາງການໃນໃວໆນີ້.

ຕາມທີ່ຟັງຜົນການຕັດສິນມື້ວານ ເຮັດໃຫ້ແມ່ເຖົ້າທໍ້ ແລະບໍ່ຮູ້ສິສູ້ໄປເພື່ອຫຍັງ ເພາະແມ່ເຖົ້າບໍ່ເຫັນມີຄວາມຢຸດຕິທຳຈັກໜ້ອຍຕໍ່ກັບແມ່ເຖົ້າເລີຍ ທັ້ງທີ່ດິນທັງສອງເປັນສິນສົມສ້າງຂອງແມ່ເຖົ້າ…ແມ່ເຖົ້າຄວນສູ້ຕໍ່ບໍ? ຫລືຢຸດຊໍ່ານີ້? ເພາະແມ່ເຖົ້າບໍ່ມີເງີນຊິທຽວໄປສານ ແລະໄປຈ້າງທະນາຍພີ່ນ້ອງ ແລະສັງຄົມ ພໍຈະມີແນວທາງ ແລະທິດຊີ້ນຳແນວໃດໃຫ້ແມ່ເຖົ້າແດ່ນໍ ເພາະປະຈຸບັນແມ່ເຖົ້າມືດແປດດ້ານ ແລະບໍ່ຊ່າງຊິໄປທາງໃດຕໍແລ້ວ

ລ່າສຸດທີມທະນາຍຄວາມຂອງ Phomsoupha & Son Law ຍິນດີຊ່ວຍເຫຼືອແມ່ເຖົ້າແລ້ວເດີ ຂໍໃຫ້ເພິ່ນຕິດຕໍ່ເຮົາດ່ວນ

ທີ່ຕັ້ງສຳນັກງານ: ຫ້ອງ 1007, ຊັ້ນ 10 ຕຶກໂຣໂຢສະແຄຣ (ຂ້າງໂຮງແຮມຄຣາວພລາຊາ), ບ້ານໜອງດ້ວງເໜືອ, ເມືອງສີໂຄດຕະບອງ ນະຄອນຫຼວງວຽງຈັນ

Whatsapp: 020 58933133  ໂທ: 021 811333

ອີເມວ: info@phomsouphalaw.com  ເວັບໄຊ: https://phomsouphalaw.com

khaosan@gmail.com