ທ້າວ ສົມຄິດ ສິມພະວົງ ຂໍຂະມາຕໍ່ໜ້າຜາສາດຫີນວັດພູຈຳປາສັກ​ ທີ່ໄປຖ່າຍຮູບໂປ້ເປື່ອຍ ກະທໍາຜິດຕໍ່ສະຖານທີ່ແຫ່ງນີ້

ທ້າວ ສົມຄິດ ສິມພະວົງ ຂໍຂະມາຕໍ່ໜ້າຜາສາດຫີນວັດພູຈຳປາສັກ​ ທີ່ໄປຖ່າຍຮູບໂປ້ເປື່ອຍ ກະທໍາຜິດຕໍ່ສະຖານທີ່ແຫ່ງນີ້

ທ້າວ ສົມຄິດ ສິມພະວົງ ຂໍຂະມາຕໍ່ໜ້າຜາສາດຫີນວັດພູຈຳປາສັກ​ ພາຍຫລັງກະທໍາຜິດຕໍ່ສະຖານທີ່ແຫ່ງນີ້

ຕອນບ່າຍຂອງວັນທີ 23 ກໍລະກົດ​ 2021​ ນີ້,​ ອົງການປົກຄອງເມືອງຈຳປາສັກ ໄດ້ນຳພາ ທ້າວ ສົມຄິດ ສິມພະວົງ​ ອາຍຸ 17 ປີ ອາຊີບ ນັກຮຽນ,​ ປະຈຸບັນຢູ່ບ້ານຂອນແກ່ນເມືອງຈຳປາສັກ ແຂວງຈຳປາສັກ ຂະມາຈະມາ ຄາລະວະ ຕໍ່ໜ້າຜາສາດຫີນວັດພູຈຳປາສັກມໍລະດົກໂລກແຫ່ງທີ​ 2 ຂອງ​ ສປປ​ ລາວ.

ພາຍຫຼັງຜູ້ກຽ່ວໄດ້ກະທຳຜິດ,​ ຕໍ່ກົດໜາຍ ແລະ ຮີດຄອງປະເພນີ​ ທີ່ໄດ້ສ້າງຄວາມເຊື່ອມເສຍທາງດ້ານວັດທະນະທຳຮີດຄອງປະເພນີຂອງລາວ ແລະ​ ຜິດຕໍ່ກົດລະບຽບຂອງມໍລະດົກ, ໂດຍຜູ້ກຽ່ວໄດ້ໄປລັກຖ່າຍຮູບພາບທີ່ໂປ້ເປືອຍອະນາຈານ ບໍ່ເໝາະສົມໃນສະຖານທີ່ມໍລະດົກໂລກວັດພູຈຳປາສັກ ໃນຄັ້ງວັນທີ 28 /5/2021 ທີ່ຜ່ານມາ​ ແລ້ວນຳໄປໂຄສະນາຜ່ານສື່ອອນລາຍ,​ ຕໍ່ການກະທຳຂອງຜູ້ກຽວ ອົງການປົກຄອງເມືອງຈຳປາສັກ ຈິ່ງໄດ້ນຳເອົາຜູ້ກຽ່ວມາສຶກສາອົບຮົມ ເພື່ອໃຫ້ຜູ້ກ່ຽວມີຈີດສຳນືກ ຮູ້ຜິດຮູ້ຖືກ ຮູ້ອັນໃດເໜາະສົມ,​ ບໍ່ເໜາະສົມ,​ ຄິດກ່ອນຈິງເຮັດ ​

ພາຍຫຼັງຜູ້ກ່ຽວໄດ້ຮັບສືກສາອົບຮົບອົງການປົກຄອງເມືອງຈຳປາສັກ​ ຈຶ່ງໄດ້ນຳເອົາ​ ທ້າວ ສົມຄິດ ສິມພະວົງ ມາຂໍຂະມາ ຄາລະວະ ຕໍ່ໜ້າຜາສາດຫີນວັດພູຈຳປາສັກ ມໍລະດົກໂລກແຫ່ງທີ2 ຂອງລາວ ໂດຍມີ ທ່ານ ພອນພິລົມ ພິຈິດ ກຳມະການ​ພັກ​ເມືອງ​ຫົວໜ້າ​ຫ້ອງການ ​ຖະແຫຼງຂ່າວ​-ວັດທະນະທຳ ແລະ ທ່ອງທຽ່ວ​ເມືອງຈຳປາສັກ, ທ່ານ ອຳພົນ​ ແສງພະຈັນ​ ຫົວໜ້າຫ້ອງການມໍລະດົກໂລກວັດພູຈໍປາສັກ,​ ພ້ອມດ້ວຍນາຍບ້ານ ພໍ່-ແມ່ ແລະ ຍາດພີ່ນອ້ງຂອງຜູ້ກ່ຽວເຂົ້າຮ່ວມ

ຂ່າວ ໄຊຍະສິດ​ ສີຫາວົງ​ ຖວທ​ ເມືອງ​ຈຳປາສັກ

khaosan@gmail.com