ດ່ວນໆ..ຄະນະສະເພາະກິດ ຕົກລົງໃຫ້ສືບຕໍ່ Lock down ອີກ 15 ມື້ຈົນເຖິງ 20 ພຶດສະພາ 2021

ດ່ວນໆ..ຄະນະສະເພາະກິດ ຕົກລົງໃຫ້ສືບຕໍ່ Lock down ອີກ 15 ມື້ຈົນເຖິງ 20 ພຶດສະພາ 2021

ດ່ວນ ບ່າຍວັນທີ 4 ພຶດສະພາ 2021 ທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ ທັງເປັນຫົວໜ້າຄະນະສະເພາະກິດ ໄດ້ຖະແຫຼງ ໃຫ້ທຸກພາກສ່ວນ ສືບຕໍ່ປະຕິບັດຕາມຄຳສັ່ງເລກທີ 15 ນາຍົກ ແລະ ພ້ອມສືບຕໍ່ໃຫ້ ປິດເມືອງ ຫຼື ລັອກດາວ Lock down ໄປອີກ 15 ມື້ ນັບແຕ່ວັນທີ 5 ພຶດສະພາ ເຖິງ 20 ພຶດສະພາ 2021.

ເພາະວ່າປະຈຸບັນການລະບາດໂຄວິດ-19 ຍັງມີການແຜ່ລາມເປັນວົງກວ້າງໄປເກືອບທຸກແຂວງໃນທົ່ວປະເທດ ແລະ ຕົວເລກຜູ້ຕິດເຊື້ອຍັງນັບມື້ເພີ່ມຂຶ້ນສູງ ດັ່ງນັ້ນການ ສືບຕໍ່ປິດເມືອງ ຫຼື ລັອກດາວ Lock ແມ່ນເປັນມາດຕະການໜຶ່ງທີ່ຊ່ວຍໃນການຫຼຸດຜ່ອນການແຜ່ລາມຂອງເຊື້ອຈາກຄົນຢູ່ບ້ານ, ເມືອງ ຫຼື ແຂວງ ໜຶ່ງ ໄປສູ່ຄົນຢູ່ອີກບ້ານ, ເມືອງ ແລະ ແຂວງໄດ້.

ໂດຍສະເພາະແມ່ນຫ້າມຄົນຕ່າງແຂວງເດີນທາງເຂົ້າ-ອອກ ນະຄອນຫຼວງວຽງຈັນ ແລະ ຫ້າມຄົນຢູ່ນະຄອນຫຼວງວຽງຈັນ ເດີນທາງໄປຕ່າງແຂວງ, ໃຫ້ສືບຕໍ່ປິດດ່ານ, ໃຫ້ສືບຕໍ່ຕັ້ງດ່ານຈຸດກວດຄົນເຂົ້າອອກຕາມຈຸດສຳຄັນຕ່າງໆຂອງບ້ານ, ເມືອງ ແລະ ແຂວງ, ຫ້າມສວຍໂອກາດຂຶ້ນລາຄາສິນຄ້າ.

ພ້ອມໃຫ້ທຸກອົງການສຳນັກງານ ສືບຕໍ່ຜັດປ່ຽນ ແບ່ງກັນໄປປະຈຳການ ພ້ອມໃຫ້ຮັກສາໄລຍະຫ່າງ ແລະ ເຄັ່ງຄັດມາດຕະການປ້ອງກັນ ໂດຍໃສ່ຜ້າອັດປາກ-ດັງທຸກຄັັ້ງຕອນອອກຈາກເຮືອນ, ໝັ່ນລ້າງມືດ້ວຍສະບູ, ເຈວ ແລະ ນໍ້າສະອາດ, ຫ້າມຈັດງານທີ່ມີການຊຸມນຸມທຸກປະເພດ.

khaosan@gmail.com