ຮັບຮອງຢ່າງເປັນທາງການແລ້ວ ທ່ານ ທອງລຸນ ສີສຸລິດ ໄດ້ຖືກຄັດເລືອກ ເປັນປະທານປະເທດ ຄົນໃໝ່ ແຫ່ງ ສປປ ລາວ

ຮັບຮອງຢ່າງເປັນທາງການແລ້ວ ທ່ານ ທອງລຸນ ສີສຸລິດ ໄດ້ຖືກຄັດເລືອກ ເປັນປະທານປະເທດ ຄົນໃໝ່ ແຫ່ງ ສປປ ລາວ

Breaking news ຮັບຮອງຢ່າງເປັນທາງການແລ້ວ !

ວັນທີ 22 ມີນາ 2021 ກອງປະຊຸມຄັ້ງປະຖົມມະລຶກຂອງສະພາແຫ່ງຊາດ ຊຸດທີ IX ໄດ້ລົງຄະແນນສຽງຮັບຮອງການເລືອກຕັ້ງ ປະທານປະເທດ ໂດຍ ທ່ານ ທອງລຸນ ສີສຸລິດ ໄດ້ຖືກຄັດເລືອກ ເປັນປະທານປະເທດ ຄົນໃໝ່ ແຫ່ງ ສປປ ລາວ ຢ່າງເປັນທາງການ ດ້ວຍຄະແນນສຽງ ເຫັນດີ: 161 ທ່ານ ຈາກ ທັງໝົດ 163 ທ່ານ.

ອ່ານ​ຊີວະປະຫວັດ​ຂອງ ສະຫາຍທອງລຸນ​ສີສຸລິດ ປະທານປະເທດ ຄົນປັດຈຸບັນ

ຊື່ ແລະ ນາມສະກຸນ:ທອງລຸນ ສີສຸລິດ,ວັນເດືອນປີເກີດ:10 ພະຈິກ 1945.,ສະຖານທີ່ເກີດ:ແຂວງຫົວພັນ, ສປປ ລາວ.,ສະຖານະພາບ:ສົມລົດກັບ ທ່ານ ນາງ ນາລີ ສີສຸລິດ, ມີບຸດ 3 ຄົນ.,ສາສະໜາພຸດ:ພຸດ.,ຕຳແໜ່ງປັດຈຸບນັນ:ນາຍົກລັດຖະມົນຕີແຫ່ງ ສປປ ລາວ.

ການສຶກສາ:

1962 – 1969 – ອະນຸປະລິນຍາ, ວິທະຍາໄລສ້າງຄູ ແນວລາວຮັກຊາດ, ແຂວງຫົວພັນ.

1973 – 1978 – ປະລິນຍາໂທ ວິຊາ ພາສາສາດ ແລະ ວັນນະຄະດີ, ສະຖາບັນສ້າງຄູ Gerzen, ເມືອງເຊັນປີເຕີສເບີກ, ອະດີດສະຫະພາບໂຊວຽດ.

1981 – 1984 – ປະລິນຍາເອກ ວິຊາ ປະຫວັດສາດການພົວພັນສາກົນ, ສະຖາບັນວິທະຍາສາດສັງຄົມ, ມົດສ໌ກູ, ອະດີດສະຫະພາບໂຊວຽດ.

ປະສົບການ:

1967 -1969 – ພະນັກງານອາວຸໂສ, ກົມສາມັນສຶກສາ, ແນວລາວຮັກຊາດ, ແຂວງຫົວພັນ.

1969 – 1973 – ພະນັກງານອາວຸໂສ, ຫ້ອງການຜູ້ຕາງໜ້າແນວລາວຮັກຊາດປະຈຳ ຮ່າໂນ້ຍ, ສສ. ຫວຽດນາມ.

1978 – 1979 – ອາຈານສອນທີ່ມະຫາວິທະຍາໄລວຽງຈັນ.

1979 – 1981 – ເລຂາລັດຖະມົນຕີວ່າການ ກະຊວງສຶກສາທິການ, ຫົວໜ້າພະແນກ ຮ່ວມມືສາກົນ, ກະຊວງສຶກສາທິການ.

1985 – 1986 – ຫົວໜ້າກົມຄົ້ນຄວ້າ, ສຳນັກງານ ນາຍົກລັດຖະມົນຕີ.

1987 – 1992 – ລັດຖະມົນຕີຊ່ວຍວ່າການ ກະຊວງການຕ່າງປະເທດ.

1993 – 1996 – ລັດຖະມົນຕີວ່າການ ກະຊວງແຮງງານ ແລະ ສະຫວັດດີການສັງຄົມ.

1997 – 2001 – ສະມາຊິກຄະນະປະຈຳ ສະພາແຫ່ງຊາດ, ປະທານຄະນະ ກຳມາທິການຕ່າງປະເທດ ຂອງສະພາແຫ່ງຊາດ, ສະມາຊິກສະພາແຫ່ງຊາດ.

2001 – 2006 – ຮອງນາຍົກລັດຖະມົນຕີ ແລະ ປະທານຄະນະກຳມະການແຜນການ ແລະ ການລົງທຶນ.

– ປະທານຄະນະກຳມະການຄຸ້ມຄອງການລົງທຶນ.

– ປະທານຄະນະກຳມະການແຫ່ງຊາດດ້ານພະລັງງານ.

– ສະມາຊິກສະພາແຫ່ງຊາດ.

2006 – 2016 ຮອງນາຍົກລັດຖະມົນຕີ,ລັດຖະມົນຕີວ່າການກະຊວງການຕ່າງປະເທດ.

2016 – 2021 ນາຍົກລັດຖະມົນຕີແຫ່ງ ສປປ.ລາວ

2021-ປັດຈຸບັນ: ເປັນປະທານປະທດຄົນປັດຈຸບັນ

ອົງການຈັດຕັ້ງທາງສັງຄົມ:

1993 – 2001 – ປະທານກຳມະການແຫ່ງຊາດ ຂອງໂຄງການບ້ານຊ່ວຍເຫລືອເດັກ SOS ລາວ.

1996 – 2001 – ສະມາຊິກສະພາສາກົນຂອງອົງການ SOS Kinderdorf International.

2001 – ປະທານກິດຕິມະສັກຂອງໂຄງການບ້ານຊ່ວຍເຫລືອເດັກ SOS ລາວ.

ພາສາຕ່າງປະເທດ:

1. ພາສາລັດເຊຍ.

2. ພາສາຫວຽດນາມ.

3. ພາສາອັງກິດ.

khaosan@gmail.com