ສຸດຍອດເລີຍ…ໂບ​ ພິຈິກາ ພ້ອມອັດສີດ 40ລ້ານກີບ ຫາກທີມຊາດລາວຊະນະທີມ​ຊາດ​ໄທ

ສຸດຍອດເລີຍ…ໂບ​ ພິຈິກາ ພ້ອມອັດສີດ 40ລ້ານກີບ ຫາກທີມຊາດລາວຊະນະທີມ​ຊາດ​ໄທ

ອີງຕາມ ໂພສ​ຂອງ​ Boa phijika ອະດີດປະທານສະໂມສອນວຽງຈັນ ຢູໄນເຕັດ ວັນທີ​ 23​ ກຸມພາ​ 2022​ ນີ້ວ່າ: ຖ້າ ທີມ​ຊາດ​ລາວ​ຊະນະທີມຊາດໄທ​ ຂ້ອຍ ໃຫ້​40 ລ້ານກີບເດີ້!!!!! ເສິກແຫ່ງສັກສີ​ ມອບຄວາມສຸກໃຫ້ພວກເຮົາ ຂໍໃຫ້ລາວຊະນະ!

ອ້າຍ Aekaphonl Phoumin ອີກ 10 ລ້ານ ເປັນ 50 ລ້ານ ກີບແລ້ວວວວວວວວວວ ມອບຄວາມສຸກໃຫ້ພວກເຮົາ ຂໍໃຫ້ລາວຊະນະ

ລາວສູ້ສູ້ ຢ່າ​ລືມ ວັນ​ພະ​ຫັດ ວັນທີ 24 ກຸມພາ 2022 ເວ​ລາ 16:00 ມີ​ນັດ​ກັນ ທີມ​ຊາດ​ລາວ ພົບ ທີມ​ຊາດ​ໄທ

ການແຂ່ງຂັນບານເຕະຊາຍ ຊີງແຊ້ມ ອາຊຽນ ຮຸ່ນອາຍຸບໍ່ເກີນ 23 ປີ ປະຈຳປີ 2022 ຮອບຮອງຊະນະເລີດ ທີມຊາດລາວ ພົບ ທີມຊາດໄທ ທີ່ ສະໜາມມໍລະດົກ ເຕໂຊ ປະເທດກຳປູເຈຍ.

ທີມຊາດລາວ U23 ກຽມພົບກັບ ທີມຊາດໄທ ຮອບ 4 ທີມສຸດທ້າຍ ການແຂ່ງຂັນ ເຕະບານຊາຍ ຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ປະຈຳປີ 2022 ທີ່ປະເທດ ກຳປູເຈຍ. ທີມຊາດໄທ ລົງຫລິ້ນນັດສຸດທ້າຍຂອງ ກຸ່ມ C ໃນວັນທີ 22 ກຸມພາ ເສຍໃຫ້ ທີມຊາດຫວຽດນາມ 0-1 ໄດ້ປະຕູໄຊ ຈາກ ຫງວຽນຕຸງແທັງ ນາທີ 29′ ຫວຽດນາມ ຊະນະ 2 ນັດລວດ ນັດທີ 1 ຖະຫລົ່ມ ສິງກະໂປ 7-0 ໄດ້ອັນດັບ 1 ຂອງກຸ່ມ ເຂົ້າຮອບ 4 ທີມສຸດທ້າຍ ພົບກັບ ຕີມໍເລັສເຕ້ ທີ 1 ຂອງກຸ່ມ A. ສ່ວນ ທີມຊາດໄທ ຊະນະ 1 ເສຍ 1 ນັດທີ 1 ຊະນະ ສິງກະໂປ 3-1 ໄດ້ອັນດັບ 2 ດີສຸດ ແຂ່ງ 2 ນັດ ມີ 3 ຄະແນນ ປະຕູໄດ້ເສຍ ໄດ້ 3 ເສຍ 2 ດີກວ່າ ເຈົ້າພາບ ກຳປູເຈຍ ທີ 2 ຂອງກຸ່ມ A ມີ 3 ຄະແນນເທົ່າກັນ ແຕ່ປະຕູໄດ້ເສຍໜ້ອຍກວ່າ ໄດ້ 1 ເສຍ 1 ເຈົ້າພາບຕົກຮອບ. ຮອບ 4 ທີມສຸດທ້າຍຈະແຂ່ງຂັນໃນວັນທີ 24 ກຸມພານີ້, ຄູ່ທີ 1 ທີມຊາດລາວ ພົບ ທີມຊາດໄທ ເວລາ 16:00 ແລະ ຄູ່ທີ 2 ຕີມໍເລັສເຕ້ ພົບ ຫວຽດນາມ ເວລາ 19:30 ຢູ່ສະໜາມ Morodok Techo National Sports Complex, ນະຄອນຫລວງພະນົມເປັນ

khaosan@gmail.com