ເຕືອນໄພ!ລະວັງທ່ານອາດຕົກເປັນເຫຍື່ອການໂຄສະນາສິນຄ້າເກີນຄວາມຈິງທາງສື່ອອນໄລ໌.

ເຕືອນໄພ!ລະວັງທ່ານອາດຕົກເປັນເຫຍື່ອການໂຄສະນາສິນຄ້າເກີນຄວາມຈິງທາງສື່ອອນໄລ໌.

ກົມອາຫານ ແລະ ຢາ ກະຊວງສາທາລະນະສຸກແຈ້ງໃຫ້ຮູ້ວ່າ: ຢາປົວພະຍາດ ແລະ ຜະລິດຕະພັນ ເສີມຄວາມງາມຕ່າງໆ ທີ່ໂຄສະນາສັບພະຄຸນ ແລະ ຄຸນນະພາບເກີນຄວາມຈິງ

ເມື່ອຊື້ມາໃຊ້ແລ້ວອາດຈະເສຍເງິນລ້າໆ ແລະ ອາດຈະສ່ຽງຕໍ່ຊີວິດ ຍ້ອນວ່າທຸກໆຜະລິດຕະພັນ ຖ້າບໍ່ໄດ້ ຮັບການຢັ້ງຢືນຈາກ ກົມອາຫານ ແລະ ຢາ ແມ່ນມີຄວາມສ່ຽງສູງ ແລະ ເປັນອັນຕະລາຍຕໍ່ສຸຂະພາບ.

ທ່ານ ດຣ. ບຸນຊູ ແກ້ວຫາວົງ ຮອງ ຫົວໜ້າກົມອາຫານ ແລະ ຢາ ກະຊວງ ສາທາລະນະສຸກ ໄດ້ກ່າວເມື່ອບໍ່ດົນມານີ້ວ່າ: ສັງຄົມປັດຈຸບັນສາມາດ ສັງເກດເຫັນ ໄດ້ຢ່າງຊັດເຈນ ກ່ຽວ ກັບການໂຄສະນາສັບພະຄຸນ ແລະ ຄຸນນະພາບຂອງສິນຄ້າທີ່ເກີນຄວາມເປັນຈິງຢູ່ສື່ສັງຄົມອອນຕ່າງໆເຊັ່ນ:

ຜະລິດຕະພັນດຽວສາມາດຮັກສາ ສຸຂະພາບໄດ້ດີ ແລະ ປີ່ນປົວພະຍາດໄດ້ ຫຼາຍໂລກ, ຮັບປະທານແລ້ວຈະບໍ່ມີພະຍາດ ແລະ ຜິວພັນກໍ່ດີເປັນຕົ້ນ. ໃນນາມກົມອາຫານ ແລະ ຢາ ຢາກຝາກເຕືອນມາຍັງຜູ້ຊື້ ແລະ ຜູ້ບໍລິໂພກວ່າ ຜະລິດຕະພັນຢາຊະນິດໃດໜຶ່ງຖ້າບໍ່ໄດ້ຜ່ານການ ກວດກາ ແລະ

ບໍ່ໄດ້ຮັບອະນຸຍາດຈາກ ກົມອາຫານ ແລະ ຢາ ແມ່ນຜະລິດຕະພັນນັ້ນບໍ່ເປັນໜ້າເຊື່ອຖື ເພາະວ່າ ເວລານຳໄປບໍລິໂພກນອກຈາກ ຈະເຮັດໃຫ້ເສຍເງິນລ້າໆແລ້ວ ຮ້າຍແຮງໄປກວ່ານັ້ນສິນຄ້າບາງຢ່າງ ອາດສ່ຽງຮອດການເສຍຊີວິດ ໂດຍ ສະເພາະຜະລິດຕະພັນປະເພດອາຫານເສີມຕ່າງໆ.

ທີ່ມາ: FM 90

khaosan@gmail.com