ລາຍລະອຽດ! ຂອງຜູ້ຕິດເຊື້ອຄົນໃໝ່ ກໍລະນີທີ 44

ລາຍລະອຽດ! ຂອງຜູ້ຕິດເຊື້ອຄົນໃໝ່ ກໍລະນີທີ 44

ຄະນະສະເພາະກິດຄວບຄຸມໂຄວິດ-19 ກະຊວງສາທາລະນະສຸກ ໄດ້ລາຍງານວ່າ: ໃນວັນທີ 24 ມັງກອນ 2021 ໄດ້ພົບຜູ້ຕິດເຊື້ອໃໝ່ 1 ຄົນ ( ກໍລະນີທີ 44 ) ເປັນເພດຍິງ ອາຍຸ 29 ປີ ເປັນແຮງງານລາວຕົກຄ້າງຈາກ ມາເລເຊຍ

ຜູ້ກ່ຽວໄດ້ມີ ອາການເຈັບ, ເປັນໄຂ້ ໃນວັນ 5-6 ມັງກອນ 2021 ເຊິ່ງຜູ້ກ່ຽວໄດ້ຊື້ຢາມາກິນແລ້ວກໍ່ຫາຍດີ, ໃນວັນທີ 22 ມັງກອນ 2021 ຜູ້ກ່ຽວໄດ້ກວດພະຍາດໂຄວິດ-19 ຢູ່ດ່ານຂອງ ມາເລເຊຍ ແຕ່ກໍ່ບໍ່ພົບເຊື້ອ

ໃນວັນທີ 24 ມັງກອນ 2021 ຜູ້ກ່ຽວໄດ້ເດີນທາງມາຮອດ ສປປ ລາວເວລາ 8 ໂມງ 20 ນາທີ, ເຊິ່ງຄະນະສະເພາະກິດໄດ້ເກັບຕົວຢ່າງໄປກວດ ແລະ ນຳຜູ້ກ່ຽວໄປກັກໂຕຢູ່ສູນຫຼັກ 27, ເຊິ່ງໃນວັນດຽວກັນຜົນກວດກໍ່ໄດ້ອອກມາວ່າ ຜູ້ກ່ຽວມີເຊື້ອໂຄວິດ ແລະ ແຍກຜູ້ກ່ຽວໄປຮັກສາ ຢູ່ທີ່ໂຮງໝໍມິດຕະພາບ

ເຊິ່ງຜູ້ໃກ້ຊິດກັບຜູ້ກ່ຽວມີທັງໝົດ 58 ຄົນ, ສຳລັບຜູ້ທີ່ຂີ່ຍົນຖ້ຽວບິນ ມານຳກັນແມ່ນ 26 ຄົນ ແລະ ຂີ່ລົດເມມາ ສູນກັກບໍລິເວນນຳກັນແມ່ນ 32 ຄົນ ເຊິ່ງຄະນະສະເພາະກກໍ່ໄດ້ກວດທຸກຄົນ ພົບວ່າບໍ່ມີຜູ້ຕິດເຊື້ອໃນຈຳນວນທັງໝົດ 58 ຄົນນັ້ນ

ຂໍ້ມູນຈາກ: ສູນຂ່າວສານການແພດສຸຂະສຶກສາ

ເບີ່ງຄລິບ

khaosan@gmail.com